PROGRAMA:

11.00 h => Encontro na Eira para realización de diferentes actividades: selado da poza coa técnica de palla-barro, traballos coas colmeas,…

14.00 h => Xantar de Convivio.Tivemos xantar para compartir. Houbo queixo, marmelo e café. Aportación solidadria de 3 €.

16.00 h => Continuamos co selado da poza. Recollida e traslado dun enxamio de abellas que se instalou dentro da casa da Eira da Xoana pa facer traballos comunitarios.

20.00 h => Remate da xornada.

• Reportaxe fotográfica.

PROGRAMA:

14.30 h => Xantar Popular. Cadaquén levou o seu ou participou no da organización (aportación solidaria 10 euros e anotación previa).

16.30 h => Festival Literario-Musical. Poesía e música a cargo da coral LUGH, pandeireteiras, música ucraniana, gaiteiros, etc.

18.30 h => Identificación de flora da contorna.

20.00 h => Remate da xornada.

NOTAS:

Información e reservas: Marcial 638475322 Pepe Salvadores 659683384

Durante a xornada celebrouse un acto de apoio á campaña mundial contra MONSANTO, unha das principais produtoras de transxénicos do planeta.

• Reportaxe fotográfica.

• Reportaxe fotográfica compartida polo CEIP de Agolada.

PROGRAMA:

11.00 h => Encontro na Eira. Acondicionamos a poza con terróns e arxila xa que ten algunha filtración de auga.

14.00 h => Xantar de Convivio.Cadaquén trouxo xantar para compartir. Houbo queixo, marmelo e café. Aportación solidadria de 3 €.

16.00 h => Continuación das diferentes actividades.

19.00 h => Remate da xornada.

O novo proxecto de ADEGA: «Charcas con Vida» convocou a primeira xornada de voluntariado que se celebrou na Eira da Xoana. Durante a xornada creouse unha Charca didáctica para o que se convocou unha xornada de voluntariado ambiental.

As charcas son pequenos pero importantes espazos para a conservación da biodiversidade. Por iso a creación dun pequeno humidal favorece a biodiversidade. Moitos animais utilizan estes puntos de auga para beber, alimentarse, agocharse ou para desenvolver os seus ciclos vitais. Anfibios, aves, invertebrados … e tamén certos tipos de plantas ou algas son algún exemplos dos seres que se ven favorecidos por este tipo de actuacións. Dende o proxecto Charcas con Vida queremos achegar á cidadanía a estes lugares e dar ferramentas válidas para a súa conservación. Qué mellor maneira de facelo que construíndo unha charca e aprender facendo!!!

O voluntariado contou con seguro de accidentes, desprazamento dende Compostela, e comida.

O proxecto Charcas con Vida contou coa colaboración da Fundación Biodiversidad do Ministerio de Agricultura, Alimentación e Medio Ambiente, e realízouse en convenio co CIBIO (Centro de Investigaçao em biodiversidade e recursos genéticos, Portugal).

Para ver o cartaz da Actividade preme Eiquí.
 

• Reportaxe fotográfica feita por Ramsés.

PROGRAMA:

11.00 h => Encontro na Eira. Comezamos diferentes traballos de acondicionamento. Asemblea Directiva de ADEGA.

14.00 h => Xantar de Convivio.

16.00 h => Continuación das diferentes actividades.

19.00 h => Remate da xornada.

Neste día, ademais de aproveitar a xornada pola mañá para rematar con algunha tarefa comunitaria que comezaramos na pasada fin de semana (plantar árbores e partir leña). Pola tarde, tivemos a oportunidade de participar en dúas actividades ben interesantes na contorna da Eira: a presentación do libro «Herdeiros pola forza» e a celebración da primeira xornada da iniciativa «Alimentación Consenso».

PROGRAMA:

11.00 h => Encontro na Eira: rematamos de plantar algunhas árbores, apañamos e partimos leña.

15.00 h => Xantar de Convivio. Cadaquén levou a súa comida para compartir. Puxemos queixo, marmelo e café.

17.00 h => Asistimos á presentación do libro «Herdeiros pola forza» no Castelo de Pambre, feita polos seus autores Xurxo Ayán e Manuel Gago e o editor Antón Lado. Esta actividade estivo organizada en colaboración coa Asociación Cultural «O Galo».

HERDEIROS POLA FORZA

Presentación número 14 por toda Galicia. 2.0 Editora.
Presentan os autores: Xurxo Ayán – Arqueólogo; Manuel Gago – Xornalista e o editor, Antón Lado.

Unha chamada á acción para recuperar o noso inmenso patrimonio cultural no horizonte do século XXI. Xurxo Ayán e Manuel Gago escolman en Herdeiros pola Forza vivencias de quince anos de traballo profesional desde a investigación e a comunicación cultural ao longo de todo o país, escribindo episodios que combinan a reflexión coa acción e un amplo anecdotario vivido e sentido en proxectos e iniciativas.

En Herdeiros pola Forza, Ayán e Gago avogan por transformar un modelo enquistado e esclerotizado de xestión do noso patrimonio cultural, devolvendo ás sociedades a relación coa súa propia memoria, e recuperando o sentido da nosa enorme herdanza e da nosa memoria. A sociedade galega do século XXI: urbana, usuaria das novas tecnoloxías e sometida a fortes procesos de tensión identitaria interna, precisa darlles novos sentidos ao patrimonio cultural. Este libro está escrito desde a crenza en que a nosa sociedade está a cambiar con rapidez, e está converténdose, gradualmente, ela mesma, en protagonista dese proceso de recuperación.

18.30 h => Desprazámonos de Pambre cara Remesedo onde visitamos un castelo de terra da época feudal galega.

19.00 h => Dirixímonos ata Albá (ecoaldea Arqueixal), onde tivo lugar a actividade «PRATO_DO».

• Reportaxe fotográfica.

PROGRAMA:

11.00 h => Encontro na Eira. Comezamos diferentes traballos de acondicionamento.

14.00 h => Xantar de Convivio.

16.00 h => Continuamos as diferentes actividades.

19.00 h => Remate da xornada.

Para esta actividade contamos de novo cun guía excepcional, o ornitólogo Xosé M. Penas Patiño. Desta volta, tivemos a posibilidade de observar aves invernantes na zona.

É unha das persoas que máis coñece sobre aves en toda a Galiza, ademais de co-autor do libro Guía de Aves de Galiza.

PROGRAMA:

10.00 h => Encontro na Eira da Xoana.

10.30 h => Saída para identificación de AVES da contorna da Eira da Xoana.

14.00 h => Xantar de Convivio. Cadaquén levou a súa comida para compartir. Houbo queixo, marmelo e café. Aportación solidaria de 3 €.

NOTAS:

• As persoas que viñeron á actividade deberon traer binóculos e roupa axeitada.