As actividades previstas para este día, así coma para o sábado día 15, realizáronse en colaboración coa Fundación ÉRGUETE, dentro do programa de integración que dita fundación coordina.
Neses dous días, internos do cárcere de Teixeiro viñeron a participar nas tarefas manuais da Eira da Xoana.
PROGRAMA:
11.00 h => Encontro cos internos na Eira e comezo dos traballos, que consistiron en:
- Carreiro do Cotón: roza previa, construción e sinalización
- Pomar: rareo de especies forestais para recuperar o espazo de froiteiras
- Tundal: carrexo de pedras para a súa futura construción
15.00 h => Xantar de convivio (cadaquén trouxo o seu) no eirado da Eira da Xoana.
16.00=> Pequeno cursiño de manexo de motoserras impartido polos participantes internos.
17.00=> Continuación dos traballos.
19.30=> Remate da actividade.
NOTAS:
1.- Para as actividades previstas usáronse: fouces, sachas, forcadas, serras, motorozadoras e motoserras.
2.- Quen puido trouxo mazás ou caixas de madeira para a almacenaxe das mesmas.
3.- Agradecemos á Fundación Érguete e aos internos a súa colaboración.
